વનાળીયા (શારદાનગર) ખાતે હઝરત જાહેરવલી પીર રહેમતુલ્લાહ અલૈહિનો ઉર્સ મુબારક શ્રદ્ધા, આસ્થા અને ભાઈચારાના માહોલ વચ્ચે શાન-ઓ-શૌકતથી ઉજવાયો.
વનાળીયા (શારદાનગર) ગામમાં દર વર્ષે યોજાતા હઝરત જાહેરવલી પીર રહેમતુલ્લાહ અલૈહિના ઉર્સ મુબારક નિમિત્તે મોટી સંખ્યામાં શ્રદ્ધાળુઓ અને અકીદતમંદો ઉપસ્થિત રહ્યા હતા. ઉર્સ પ્રસંગે દરગાહ શરીફ ખાતે વિવિધ ધાર્મિક કાર્યક્રમોનું આયોજન કરવામાં આવ્યું હતું.
આ પ્રસંગે દરગાહ શરીફને સુંદર રીતે શણગારવામાં આવી હતી. ઝિયારત માટે આવતા શ્રદ્ધાળુઓ માટે જરૂરી વ્યવસ્થાઓ કરવામાં આવી હતી. ઉર્સ દરમિયાન આમ ન્યાઝ, મિલાદશરીફ, ફાતેહા, દુઆ અને અન્ય ધાર્મિક કાર્યક્રમો યોજાયા હતા. દેશ-દુનિયામાં અમન, શાંતિ, ભાઈચારો અને સુખ-સમૃદ્ધિ માટે ખાસ દુઆ કરવામાં આવી હતી.
ઉર્સ મુબારકમાં આસપાસના ગામો તેમજ દૂરદૂરથી મોટી સંખ્યામાં અકીદતમંદો હાજર રહ્યા હતા. સમગ્ર કાર્યક્રમ દરમિયાન કોમી એકતા, ભાઈચારો અને પરસ્પર પ્રેમનો સુંદર સંદેશ જોવા મળ્યો હતો.
ઉર્સના સફળ આયોજન માટે યા જાહેરવલી પીર ચેરીટેબલ ટ્રસ્ટ તથા સુન્ની મુસ્લિમ જમાત વનાળીયા આ આયોજન સાથે જોડાયેલા તમામ સભ્યો, સેવાભાવી યુવાનો અને ગ્રામજનોએ મહેનત કરી હતી. વ્યવસ્થા જાળવવા માટે સ્વયંસેવકો દ્વારા પણ સુંદર કામગીરી કરવામાં આવી હતી.
ઉર્સ મુબારકના પવિત્ર પ્રસંગે હઝરત જાહેરવલી પીર રહેમતુલ્લાહ અલૈહિના દરબારમાં મોટી સંખ્યામાં અકીદતમંદોએ હાજરી આપી દેશ અને સમાજમાં શાંતિ, એકતા, ભાઈચારો તથા ખુશહાલી માટે દુઆ કરી હતી.
આ ઉર્સ પ્રસંગે — સુન્ની મુસ્લિમ જમાત વનાળિયા (શારદાનગર) જાહેરવલી પીર ચેરીટેબલ ટ્રસ્ટ વનાળીયા (શારદાનગર) ગ્રામજનો દ્વારા હાજર તમામ લોકોનો આભાર વ્યક્ત કરવામાં આવ્યો હતો.
