મોરબીની શાળામાં વિદ્યાર્થીઓ, શિક્ષકો અને માતાપિતાઓને એકબીજાને પૂરક બનાવતો ઉત્સવ ઉજવાયો

મોરબી : મોરબી નામાંકિત નવયુગ ઇન્ટરનેશનલ પ્રિ સ્કૂલ દ્વારા આયોજિત વાર્ષિક કાર્યક્રમ “તરંગ 4.0” મહેમાનો, માતા–પિતા તથા વાલીઓની વિશેષ ઉપસ્થિતિમાં ઉત્સાહપૂર્વક અને ભવ્ય રીતે સંપન્ન થયો હતો.આ કાર્યક્રમની ખાસ વિશેષતા એ રહી કે તેમાં માત્ર બાળકો નહીં પરંતુ માતા–પિતાઓએ પણ સક્રિય રીતે ભાગ લીધો હતો. પેરેન્ટ્સની ભાગીદારીથી સમગ્ર કાર્યક્રમમાં લાગણી, ઉત્સાહ અને પરિવારભાવનો સુંદર સમન્વય જોવા મળ્યો હતો. બાળક અને પેરેન્ટ એકસાથે મંચ પર દેખાતા ક્ષણોએ કાર્યક્રમને વધુ યાદગાર અને ભાવનાત્મક બનાવી દીધો હતો.નાનાં બાળકો દ્વારા રજૂ કરાયેલા નૃત્ય, સંગીત અને અભિનય તેમજ માતાપિતાના ગર્વ અને શિક્ષકોની નિષ્ઠાની એક મંચ ઉપર પ્રસ્તુતિ કરવામાં આવી હતી.

મંચ પર બાળકોનો આત્મવિશ્વાસ અને પેરેન્ટ્સનો ઉત્સાહ શાળાના સંસ્કારસભર વાતાવરણનો જીવંત દાખલો બન્યો હતો. આ પ્રસંગે શાળાના પ્રમુખ પી.ડી. કાંજીયા સરએ જણાવ્યું કે, જ્યારે માતા–પિતા શિક્ષણ પ્રક્રિયામાં સક્રિય ભાગીદાર બને છે, ત્યારે બાળકનો આત્મવિશ્વાસ અને વિકાસ અનેક ગણો વધે છે. તરંગ 4.0 એ બાળકો, પેરેન્ટ્સ અને શિક્ષકો વચ્ચેના સુંદર સમન્વયને દર્શાવ્યો છે. તેમણે સમગ્ર સ્ટાફની નિષ્ઠા, આયોજન ક્ષમતા અને ટીમવર્ક અને ઉપસ્થિત મહેમાનો તથા પેરેન્ટ્સ દ્વારા પણ કાર્યક્રમની ઉદાર પ્રશંસા કરવામાં આવી હતી. તરંગ 4.0 એ ફરી એકવાર સાબિત કર્યું કે નવયુગ ઇન્ટરનેશનલ પ્રિ સ્કૂલ બાળપણને ઉજવે છે પરિવારને જોડે છે અને ભવિષ્યને ઘડે છે. આ કાર્યક્રમમાં વિશેષ મહેમાન તરીકે નવયુગ ગૃપ ઓફ એજ્યુકેશનના પ્રમુખ પી.ડી.કાંજીયા,નવયુગ એજ્યુકેશન એન્ડ ચેરીટેબલ ટ્રસ્ટના પ્રમુખ રંજનબેન કાંજીયા, નવયુગ ગ્રુપ ઓફ એજ્યુકેશનના મેનેજિંગ ટ્રસ્ટી બલદેવભાઈ સરસાવડિયા, નવયુગ ગ્રુપ ઓફ એજ્યુકેશનના સદસ્યો, મોરબી જિલ્લા શાળા સંચાલક મંડળના પ્રમુખ નિલેશભાઈ કુંડારીયા, સંચાલક, યોગેશભાઈ ઘેટીયા, નક્ષત્ર હોસ્પિટલના ડોક્ટર મહેન્દ્રભાઈ ફેફર ઉપસ્થિત રહ્યા હતા.