મોરબી : મોરબી જિલ્લાના જુદાજુદા વિસ્તારમાં ખનીજ માફિયા સામે પોલીસ દ્વારા કાર્યવાહી કરવામાં આવી રહી છે તેવામાં હળવદના ટીકર ગામે રેતીનું ગેરકાયદે ખનન કરવામાં આવી રહ્યું હોવાનું હક્કિત મળી હતી જેના આધારે રેતી માફિયા ઉપર રેન્જ આઇજીની ટિમ ત્રાટકી હતું અને સ્થળ ઉપરથી ૮૦ લાખનો મુદામાલ કબ્જે કર્યો હતો અને સ્થાનિક પોલીસને મુદામાલ સોંપીને આ અંગેની ખાણખનિજ વિભાગને જાણ કરવામાં આવી હતી.
 

રાજકોટના રેન્જ આઇજી નિર્લિપ્ત રાય (IPS)ની સૂચના મુજબ જુદાજુદા જિલ્લાઓમાં ગેરકાયદે પ્રવૃતિ કરનારા શખ્સો ઉપર ધોંસ બોલાવવામાં આવી રહી છે અને ખાસ કરીને ખનીજ ચોરીના દૂષણને ડામવા માટે રેડ કરવામાં આવતી હોય છે તેવામાં રાજકોટ રેન્જના પીઆઇ અપૂર્વ પટેલના માર્ગદર્શન હેઠળ પીએસઆઈ પી.એન.મોરી, બી.સી.મીયાત્રા, સી.એમ.કાંટેલીયા તથા સ્ટાફ દ્વારા ખનીજ માફિયાઓને શોધવા માટેની કાર્યવાહી કરવામાં આવી રહી છે તેવામાં ધર્મેન્દ્રસિહ વાઘેલા, રાજદિપસિહ ઝાલા, દિલીપસિહ સિંધવ, ફતેસંગ પરમારને મળેલ ચોકકસ હકિકત મળી હતી કે, મોરબી જિલ્લાના હળવદ તાલુકાનાં ટીકર ગામની સીમમાં બ્રામ્હાણી નદિમાંથી રેતીનું ખનન કરવામાં આવી રહ્યું છે જેથી ત્યાં રેડ કરી હતી ત્યારે સ્થળ ઉપરથી એક ડમ્પર, એક હિટાચી તથા એક હોડકુ મળી આવ્યું હતું જેથી પોલીસે ૮૦ લાખનો મુદામાલ કબ્જે કર્યો હતો અને સ્થાનિક પોલીસ સ્ટેશનના સ્ટાફને બોલાવીને આ રેડની ખાણખનીજના અધિકારીઓને પણ જાણ કરવામાં આવી હતી.