મોરબી: તારીખ: ૧૪ ફેબ્રુઆરી ૨૦૨૬ ભારતીય સંસ્કૃતિમાં માતા-પિતાનું સ્થાન દેવતુલ્ય માનવામાં આવે છે. આ સંસ્કારોનું સિંચન કરવાના હેતુસર આજરોજ સાર્થક વિદ્યામંદિર ખાતે દર વર્ષની જેમ આ વર્ષે પણ વેલેન્ટાઈન દિવસ નિમિત્તે પશ્ચિમની સંસ્કૃતિનું અનુકરણ ન કરે આપણી મૂળ સંસ્કૃતિને જાળવી અને એનું અનુકરણ કરો અને બાળકોમાં પણ તેના ગુણ કેળવાય તેવું કાર્ય સાર્થક વિધામંદિર દર વર્ષે કરે છે, ત્યારે સાર્થક વિદ્યામંદિર દ્વારા આ વર્ષે પણ*‘માતા-પિતા પૂજન દિવસ’*ની ભવ્ય અને ભાવવાહી ઉજવણી કરવામાં આવી હતી.
આ કાર્યક્રમમાં ધોરણ ૯ થી ૧૨ ના વિદ્યાર્થીઓએ અત્યંત ઉત્સાહભેર ભાગ લીધો હતો. વિદ્યાર્થીઓએ વૈદિક પરંપરા મુજબ તેમના માતા-પિતાનું પૂજન-અર્ચન કર્યું હતું અને તેમને મોં મીઠું કરાવીને આશીર્વાદ પ્રાપ્ત કર્યા હતા. આ પ્રસંગે વિદ્યાર્થીઓ અને વાલીઓ વચ્ચે લાગણીસભર દ્રશ્યો સર્જાયા હતા. આ ખાસ દિવસની ઉજવણીમાં અંદાજે ૫૦ જેટલા વાલીઓ ખાસ ઉપસ્થિત રહ્યા હતા.
કાર્યક્રમની શોભા વધારવા માટે સંસ્થાના ટ્રસ્ટી કમલેશ ગુરુજી, બંને વિભાગના પ્રધાનાચાર્ય ગણેશ ગુરુજી અને વિવેક ગુરુજી તેમજ તમામ HOD ઉપસ્થિત રહ્યા હતા અને બાળકોને પ્રોત્સાહિત કર્યા હતા.
વિદ્યાર્થીઓએ આજના દિવસનું મહત્વ સમજાવતી સુંદર વક્તવ્ય (સ્પીચ) આપી હતી અને ઉપસ્થિત સૌને મંત્રમુગ્ધ કર્યા હતા. શાળા પરિવાર અને વિદ્યાર્થીઓના સહિયારા પ્રયાસથી આ કાર્યક્રમ ખૂબ જ સફળ રહ્યો હતો.
