મોરબી: મોરબીમાં પટેલ સમાજની વાડી, શનાળા ખાતે ઠાકર પરિવારે સમસ્ત બ્રહ્મચોર્યાસી ભોજનનું આયોજન કર્યું હતું. આ ભોજન સમારંભ પિતૃ તર્પણ નિમિત્તે રાખવામાં આવ્યો હતો, અને આ પ્રસંગે ભક્તિ સંધ્યા કાર્યક્રમનું પણ આયોજન થયું હતું.
આ કાર્યક્રમમાં જાણીતા હાસ્ય કલાકાર, લોક સાહિત્યકાર અને શિક્ષણવિદ્ શ્રી સાંઈરામ દવે ઉપસ્થિત રહ્યા હતા. આ ઉપરાંત, મોરબીના પ્રસિદ્ધ શાસ્ત્રી કૃષ્ણચંદ્ર દવેની પુત્રી, બાળ કલાકાર મીરા કૃષ્ણચંદ્ર દવેએ પોતાના સુમધુર કંઠથી ભજનો રજૂ કરીને સૌ શ્રોતાઓને મંત્રમુગ્ધ કરી દીધા હતા.
મીરાના મધુર અવાજે આ ભક્તિમય વાતાવરણમાં અનેરો રંગ ભર્યો હતો અને ઉપસ્થિત સૌ લોકોએ તેના પ્રદર્શનને ખૂબ જ વખાણ્યું હતું.
