મોરબી : મોરબી મહાનગરપાલિકાની ફૂડ શાખાએ ફૂડ લાયસન્સ અને રજીસ્ટ્રેશન મેળવવાની પ્રક્રિયાને વધુ સરળ અને પારદર્શક બનાવવા માટે માર્ગદર્શિકા જાહેર કરી છે.જેથી વેપારીઓ હવે ઘેર બેઠા જ પોતાનું ફૂડ લાયસન્સ મેળવી શકશે. તમામ નાના-મોટા ખાદ્યપદાર્થના ધંધાર્થીઓ જેવા કે મીઠાઈ-ફરસાણના વેપારીઓ, હોટેલ-રેસ્ટોરન્ટ સંચાલકો, કરિયાણાના વેપારી, ડેરી પાર્લર, આઈસ્ક્રીમ વિક્રેતા તેમજ લારી-ગલ્લા ધારકોએ ફરજિયાતપણે ફૂડ રજીસ્ટ્રેશન કરાવવું જરૂરી છે. જે વેપારીઓએ હજુ સુધી રજીસ્ટ્રેશન નથી કરાવ્યું, તેઓને તાત્કાલિક ધોરણે ઓનલાઈન પ્રક્રિયા પૂર્ણ કરવા તાકીદ કરાઈ છે.
