હળવદ તાલુકાના રાતાભેર ગામે જમાઈનું ઉપરાણું શુ કામ લ્યો છો કહી ચાર શખ્સોએ એક પરિવાર પર તૂટી પડ્યા હતા. આ ચાર શખ્સોએ એક પરિવારનક બે મહિલા સહિત ચારને માર માર્યાની પોલીસ ફરિયાદ નોંધાઇ છે.
હળવદ તાલુકાના રાતાભેર ગામે રહેતા પ્રફુલભાઈ જેસિંગભાઈ કેરવાડિયાએ તે જ ગામા રાજુ દિલીપભાઈ ઇંદરિયા, અશ્વિન ઓધવજીભાઈ ઈંદરિયા, જેમાભાઈ રૂપાભાઈ ઈંદરિયા અને જગદીશ ઉર્ફે બહુરૂપી વિરુદ્ધ ફરિયાદ નોંધાવી હતી કે, આરોપીઓએ તેમની પાસે આવી કહ્યું હતું કે તું અને તારા બાપા તમારા જમાઈ સંજયનું ઉપરાણું લઈ કેમ અમારી સાથે માથાકુટ કરો છો તેમ કહી ગાળો બોલી માથામાં ધારીયું મારી દઈ સાહેદ જેશીંગભાઈ, દૂધીબેન અને વનિતાબેને પણ માર મારી ઇજાઓ પહોંચાડી હોવાની ફરિયાદ નોંધાઇ છે.
