ફાયરની ટીમ 12 મિનિટે પહોંચી આગ પર કાબુ મેળવી લીધો, અંતે મોકડ્રીલ જાહેર
મોરબી : મોરબીના મલ્ટીપ્લેક્સ સીનેમાગૃહમા આગ ઘટના બની હતી. આ બનાવમાં બે વ્યક્તિને પહોંચી હોવાનું જાહેર કરાયું હતું. જો કે આ બનાવની જાણ થતાં ફાયર બીગ્રેડની ટીમ 12 મિનિટે પહોંચીને સમગ્ર પરિસ્થિતિ ઉપર કાબુ મેળવી લીધો હતો. પરંતુ અંતે આ એક મોકડ્રિલ હોવાનું જાહેર કરાતા તમામે રાહતનો દમ લીધો હતો.
મોરબી-કંડલા બાયપાસ રોડ પર નવલખી ફાટક પાસે આવેલી મલ્ટીપ્લેક્સ નેક્સસ સિનેમા ગૃહનાસંચાલકે આ સિનેમા બિલ્ડિંગના સ્ક્રીન-2માં આગની ઘટના બની હોવાની 7 વાગ્યે મોરબી ફાયર કંટ્રોલ રૂમમાં જાણ કરી હતી. આથી ફાયર બીગ્રેડ વિભાગની ટીમ ફાયર ફાઈટર સહિતના તમામ આધુનિક સાધનો સાથે 7-12 મિનિટે ઘટના સ્થળ પહોંચીને તુરંત રાહત અને બચાવની કામગીરીમાં લાગી ગઈ હતી. તમામ સ્ટાફ અને માણસોને સલામત જગ્યાએ શિફ્ટ કરીને 2 ઈજાગ્રસ્તોને બહાર કાઢીને ઈમરજન્સી સારવાર માટે હોસ્પિટલ શિફ્ટ કરવામાં આવ્યા હતા અને આગ પર કાબૂ મેળવી લીધો હતો. અંતે આ સમગ્ર આગની ઘટના એક મોકડ્રિલ હોવાનું જાહેર કરીને સંભવિત ચાલુ સિનેમામાં આગ કે અન્ય કોઈ દુર્ઘટના બને તો ફાયર વિભાગ આ દુર્ઘટનાને પહોંચી વળવા કેટલું સક્ષમ છે તેની કસોટી કરવા આ મોકડ્રિલ યોજવામાં આવી હોવાનું જાહેર કરાયું હતું.
