મોરબી જિલ્લામાં કાળમુખા બેકાબુ ડમ્પર ચાલકો અવાર નવાર અકસ્માત સર્જી નિર્દોષ લોકોના જીવ લઈ રહ્યા છે ત્યારે મોરબીના ટીંબડી ગામ નજીક આવા જ એક બનાવમાં ડમ્પર ચાલકે બાઈક ચાલકને હડફેટે લેતા નવી ટીંબડી ગામના બાઈક ચાલકનું ઘટના સ્થળે જ મૃત્યુ નીપજ્યું હતું.

મોરબી - માળીયા હાઇવે ઉપર ટીંબડી નજીક જીજે - 13 - એડબ્લ્યુ - 8146 નંબરના ડમ્પર ટ્રક ચાલકે પુરપાટ ઝડપે પોતાનું ડમ્પર ચલાવી જીજે - 36 - એન - 5677 નંબરનું બાઈક લઈને જઈ રહેલા ગોવિંદભાઇ ભાયાભાઈ ઝાપડા રહે.નવી ટીંબડી ગામ વાળાને હડફેટે લઈ અકસ્માત સર્જતાં ગોવિંદભાઈનું મોત નીપજ્યું હતું. આ અકસ્માતના બનાવ અંગે મૃતકના પુત્ર મનોજભાઈ ગોવિંદભાઇ ઝાપડાએ મોરબી તાલુકા પોલીસ મથકમાં ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.