મોરબી: સામાજિક જવાબદારી અને માનવતાના અભિગમ સાથે ફિટનેસ વુમન યોગા ગ્રુપ દ્વારા નવા વર્ષની એક પ્રેરણાદાયી ઉજવણી કરવામાં આવી હતી.
ગુજરાત રાજ્ય યોગ બોર્ડ સાથે જોડાયેલા આ ગ્રુપના સભ્યોએ ભપકાદાર ઉજવણીને બદલે જરૂરિયાતમંદ બાળકોના ચહેરા પર સ્મિત લાવવાનું પસંદ કર્યું હતું.
ઉજવણીની મુખ્ય વિગતો પર નઝર કરીએ તો તેમને પ્રેરણાત્મક અભિગમ સાથે ઉજવણી કરી હતી, સામાન્ય રીતે લોકો નવા વર્ષે પાર્ટી કે મોજ-મજા કરતા હોય છે, પરંતુ આ ગ્રુપે ઝુંપડપટ્ટીના બાળકો સાથે સમય વિતાવીને સમાજને નવી રાહ ચીંધી છે.
ગ્રુપના સંચાલક કાજલબેન આદ્રોજા અને અન્ય યોગ સાધકોએ પછાત વિસ્તારની મુલાકાત લીધી હતી. જેમાં આ પ્રસંગે બાળકોને પૌષ્ટિક નાસ્તો કરાવવામાં આવ્યો હતો અને તેમની સાથે વાતો કરીને બાળકોનો ઉત્સાહ વધાર્યો હતો.
સમાજ માટે તેમનો અમૂલ્ય સંદેશ કે "સાચો યોગ એ જ છે જે આપણને સમાજ સાથે જોડે. નવા વર્ષની શરૂઆત આ નિર્દોષ બાળકોના સ્મિત સાથે કરવાથી જે આનંદ મળ્યો છે તે અવર્ણનીય છે." - ફિટનેસ વુમન યોગા ગ્રુપ
આમ, ફિટનેસ વુમન યોગા ગ્રુપે માત્ર સ્વાસ્થ્ય જ નહીં, પણ સામાજિક સેવાનો સંદેશ આપીને નવા વર્ષને ઉમળકાભેર આવકાર્યું હતું.
