અકસ્માત સર્જ્યા બાદ કાર ચાલક ફરાર, ટંકારા પોલીસ મથકે ફરિયાદ નોંધાઇ

ટંકારા : રાજકોટ - મોરબી હાઇવે ઉપર ટંકારા તાલુકાના મિતાણા નજીક ડિવાઈડર કૂદીને આવેલ કાર સામેથી આવતી કાર સાથે અથડાતા આ ગમખ્વાર અકસ્માતમાં ટંકારાના રહેવાસી કાર ચાલકનું મૃત્યુ નીપજ્યું હતું. આ બનાવ અંગે ટંકારા પોલીસ મથકમાં ફરિયાદ નોંધાઇ છે.

ગત તા.15ના રોજ મોડી રાત્રીના સમયે જીજે - 03 - એમએચ - 4086 નંબરના કાર ચાલકે પુરપાટ ગતિએ પોતાની કાર હંકારી ડિવાઈડર કુદાવી દેતા સામેથી આવતી જીજે - 36 - એફ - 8678 નંબરની કાર સાથે અકસ્માત સર્જતાં કાર ચાલક દેવેન્દ્રભાઈ શામજીભાઈ ભાલોડીયા ઉ.વ.35 રહે.ટંકારા વાળાનું મૃત્યુ નીપજ્યું હતું.અકસ્માત બાદ કાર ચાલક નાસી ગયો હતો.અકસ્માતના આ બનાવ અંગે ટંકારા પોલીસે મૃતકના મોટાભાઈ નિલેશભાઈ ભાલોડિયાની ફરિયાદને આધારે કાર ચાલક વિરુદ્ધ ફરિયાદ નોંધી તપાસ શરૂ કરી છે.