મોરબી : તાજેતરમાં મુસ્કાન વેલફેર સોસાયટી, મોરબી દ્વારા “મ્યુઝિકલ તંબોલા” નામનો અનોખો અને મનોરંજક કાર્યક્રમ સફળતાપૂર્વક યોજાયો હતો। આ કાર્યક્રમનું મુખ્ય ઉદ્દેશ મહિલાઓને દૈનિક જીવનની વ્યસ્તતામાંથી થોડો સમય કાઢી આનંદ, મજા અને ઉત્સાહથી ભરેલો સમય પસાર કરવાનો હતો.
કાર્યક્રમમાં શહેરની અનેક મહિલાઓએ ઉત્સાહભેર હાજરી આપી હતી અને મ્યુઝિકલ તંબોલાની રમતમાં સંગીતની સાથે મજા માણી હતી। સંગીતના તાલે રમાતી તંબોલાની ગેમે સૌમાં ઉત્સાહ અને ખુશીની લહેર ફેલાવી દીધી હતી. આ પ્રસંગે મહિલાઓએ ફુલ મજા, મસ્તી અને ડાન્સ સાથે કાર્યક્રમનો ભરપૂર આનંદ લીધો હતો. કાર્યક્રમ દરમિયાન સ્વાદિષ્ટ નાસ્તા અને ડિનરનું પણ સુંદર આયોજન કરવામાં આવ્યું હતું, જેનાથી હાજર તમામ સભ્યો ખૂબ ખુશ થયા હતા.
કાર્યક્રમ દરમિયાન મુસ્કાન સાથે વિવિધ રીતે જોડાયેલા અને યોગદાન આપનાર સભ્યોનો આકર્ષક ગિફ્ટ્સ થી વિશેષ સન્માન કરવામાં આવ્યો હતો। સાથે સાથે નવા સભ્યોનું હાર્દિક સ્વાગત પણ કરવામાં આવ્યું હતું, જેના કારણે સૌમાં એકતા અને આપસી લાગણી વધુ મજબૂત બની હતી. આ ઉપરાંત તંબોલાના વિજેતાઓને ઈનામો આપવામાં આવ્યા હતા, જેનાથી કાર્યક્રમમાં વધુ ઉત્સાહ ઉમેરાયો હતો. આ કાર્યક્રમ મુસ્કાન વેલફેર સોસાયટી દ્વારા મહિલાઓને એક મંચ પર લાવી, એકતા અને આનંદની લાગણી મજબૂત કરવાની દિશામાં એક સફળ પ્રયાસ સાબિત થયો હતો.
