હળવદ શહેરમાં રખડતા ઢોરોના ત્રાસ વચ્ચે આજે જોવા જેવી થઈ હતી અને એક ખૂટીયાએ ભારે કરી હોય એમ હમણાં નવા બનેલા પ્રધાન મંત્રી આવાસ સંકુલને માથે લીધું હતું. આ પ્રધાનમંત્રી આવાસ યોજના હેઠળ હળવદમાં મોટા આવાસો સાથે સંકુલ બનાવ્યું છે. આ આવાસો એકદમ તૈયાર છે પણ હજુ સુધી કોઈ રહેવા આવ્યું નથી. એ પહેલાં જ ખૂટીયો પ્રધાનમંત્રી આવાસોના ચોથા માળે ચડી ગયો હતો. આ ઘટના કેવી રીતે બની એની વિગતો બહાર આવી નથી. પરંતુ આ યોજના રેઢી પઢ હોવાથી કદાચ પગથિયેથી ખુટિયો ઉપર ચડી ગયો હોવાનું પ્રાથમિક તારણ છે.આ બનાવથી લોકોમાં હળવી રમૂજ સાથોસાથ રખડતા ઢોરોને પકડવા માટે કોઈ કાર્યવાહી ન કરતા તંત્ર સામે રોષ વ્યકત જોવા મળ્યો હતો. જો કે અમુક સેવાભાવિ યુવાનો ચોથા માળે ચડી ગયેલા ખુટીયાની સહી સલામત રીતે નીચે ઉતાર્યો હતો.
