મોરબી : ક્ષત્રિય સમાજના પ્રતિષ્ઠિત આગેવાન પી.ટી.જાડેજા સામે થયેલ પાસાની કાર્યવાહીના વિરોધમાં અખિલ ગુજરાત રાજપૂત યુવા સંધ-મોરબી, મોરબી જીલ્લા રાજપૂત સમાજ અને મોરબી જિલ્લા રાજપૂત કરણી સેના દ્વારા કલેક્ટરને આવેદન પાઠવવામાં આવ્યું છે.
સામાન્ય રીતે ખુબ જ ગંભીર પ્રકારના અનેક ગુનાઓ આચરનાર વિરૂધ્ધ પાસાની કલમોનો ઉપયોગ થતો હોય છે. પરંત પી.ટી. જાડેજા વિરૂધ્ધ આવા કોઈ ગંભીર પ્રકારનો કેસ ન હોવા છતા શા માટે ખોટી રીતે અન્યાયકારી વલણ અપનાવામા આવેલ છે. તે પોલીસ અને પ્રશાસન સામે શંકા ઉપજાવે છે.
સમગ્ર ગુજરાત રાજ્યના રાજપુત સમાજ આ અન્યાયકારી બાબતની વિરુધ્ધ પોતાનો ઉગ્ર વિરોધ નોંધાવે છે. અને ઘટનાને સખત શબ્દોમાં વખોડી કાઢે છે. નાની બાબતને મોટું સ્વરૂપ આપી પી.ટી.જાડેજાની સામાજીક પ્રતિષ્ઠાને નુકસાન પહોંચાડવા અને તેને નીચા દેખાડવાનો આ હીન પ્રયાસ છે. જો આ મામલે યોગ્ય ન્યાય નહિ મળે તો સમગ્ર ગુજરાત રાજ્યનો રાજપૂત સમાજ ન્યાયોચિત લડાઈ કરશે.
