યંગ ઇન્ડિયા ગ્રુપની મુહિમ "લોહીમાં છે માનવતા’ ને પ્રેરણાબળ પૂરું પાડ્યું

મોરબી: જન્મદિવસની ઉજવણી સામાન્ય રીતે કેક કાપીને અને શુભેચ્છાઓ સાથે કરવામાં આવે છે, પરંતુ મોરબીના એક પ્રબુદ્ધ નાગરિકે પોતાના જન્મદિવસની ઉજવણીને માનવસેવા સાથે જોડીને જીવનનું 42મું રક્તદાન કર્યું હતું. યંગ ઈન્ડિયા ગ્રૂપની ‘લોહીમાં છે માનવતા’ રક્તદાન મુહિમ અંતર્ગત કરવામાં આવેલા આ રક્તદાન થકી જન્મદિવસની ઉજવણીને સેવાકીય સંદેશ સાથે જોડવામાં આવી હતી.

જન્મદિવસ નિમિત્તે કરવામાં આવેલા આ રક્તદાન સાથે અત્યાર સુધીમાં કુલ 42 વખત રક્તદાન કરવાનો સેવાભાવી વ્યક્તિએ સેવાભાવનો અનોખો દાખલો પૂરો પાડ્યો છે. નિયમિત રક્તદાનની આ પ્રવૃત્તિ દ્વારા જરૂરિયાતમંદ દર્દીઓ માટે રક્તની ઉપલબ્ધતા જળવાઈ રહે તે દિશામાં યોગદાન આપવામાં આવ્યું હતું.
 

અકસ્મિક પરિસ્થિતિમાં ઈજાગ્રસ્ત દર્દીઓ, પ્રસૂતિ દરમિયાન રક્તની જરૂરિયાત ધરાવતી મહિલાઓ, થેલેસેમિયા જેવા રોગથી પીડાતા દર્દીઓ તેમજ વિવિધ ગંભીર સારવાર લઈ રહેલા દર્દીઓ માટે સમયસર રક્ત મળવું મહત્વપૂર્ણ બને છે. આવા સમયે સ્વૈચ્છિક રક્તદાનથી એકત્ર થતું રક્ત દર્દીઓ માટે ઉપયોગી બને છે.

યંગ ઈન્ડિયા ગ્રૂપ દ્વારા ‘લોહીમાં છે માનવતા’ અભિયાન હેઠળ સ્વૈચ્છિક રક્તદાનને પ્રોત્સાહન આપવા માટે સતત કામગીરી કરવામાં આવી રહી છે. જન્મદિવસ જેવા વ્યક્તિગત પ્રસંગને રક્તદાન સાથે જોડીને ઉજવવામાં આવે તો સામાજિક સેવા સાથે પ્રસંગની ઉજવણી પણ થઈ શકે છે, તેવો સંદેશ આ પ્રસંગે જોવા મળ્યો હતો. આ રીતે જન્મદિવસની ઉજવણીમાં જીવનનું ૪૨મું રક્તદાન કરીને સેવાભાવ સાથે માનવતાની ભાવનાને ઉજાગર કરવામાં આવી હતી.