અઠવાડિયાથી મસમોટો ખાડો જેમની તેમજ રાખી દેવાતા 3 થી 4 વાહનો ફસાયા

મોરબી : મોરબીના નાની કેનાલ રોડ પર તંત્રની ઘોર બેદરકારી સામે આવી છે. અહીં સંદેશ પાર્ક ગેટ નંબર 2 પાસે પાણીના નિકાલની લાઇન માટે ખોદવામાં આવેલો ખાડો યોગ્ય રીતે બૂરવામાં ન આવતા વધુ એક કાર ફસાઈ ગઈ છે.

નાની કેનાલ રોડ પર સંદેશ પાર્ક ગેટ નંબર 2 નજીક ગટર અને વરસાદી પાણીની લાઇન માટે કુંડી બનાવવાની કામગીરી કરવામાં આવી હતી. આ કામગીરી બાદ ખાડો ન પૂરાતા આજે એક કાર ચાલક પોતાની કાર ટર્ન કરી રહ્યા હતા. ત્યારે અચાનક જ કાર આ ખાડામાં ખાબકી ફસાઈ ગઈ હતી. સ્થાનિકોના જણાવ્યા અનુસાર, આ ખાડો છેલ્લા 1 અઠવાડિયાથી આ જ પરિસ્થિતિમાં છે. તંત્ર દ્વારા આ મસમોટો જીવલેણ ખાડો એમનેમ રાખી દેવામાં આવતા અત્યાર સુધીમાં 3 થી 4 જેટલી ગાડીઓ આ ખાડામાં ફસાઈ ચૂકી છે. વહેલી તકે આ ખાડો યોગ્ય રીતે પૂરવામાં આવે તેવી માંગ ઉઠી છે.