વિકાસ પરવાનગીઓની  કુલ 50 અરજીઓની વિગતવાર ચકાસણી

મોરબી : મોરબી મહાનગરપાલિકા દ્વારા  મંજૂર તથા અમલી વિકાસ યોજનામાં  વિકાસ પરવાનગી તથા ઇમ્પેક્ટ ફીના કાયદા અંતર્ગત અનધિકૃત બાંધકામોને નિયમિત એટકે કાયદેસર (Regularize) કરવાની  આપવાની કાર્યવાહી હાથ ધરવામાં આવી છે.જેમાં 124 અનધિકૃત બાંધકામોને રેગ્યુલરાઇઝ કરાયા છે.

મોરબી મહાનગરપાલિકાની ટાઉન પ્લાનિંગ શાખા દ્વારા મહાનગરપાલિકા બન્યા પછીથી અત્યાર સુધી મળેલ તમામ અરજીઓનું નિયમો મુજબ ટેકનિકલ ચકાસણી કરેલ છે. આ પ્રક્રિયા દરમિયાન યોગ્ય માપદંડ પૂર્ણ કરતી અરજીઓ પર જરૂરી કાર્યવાહી કરવામાં આવી છે. આ મુજબ પ્રાપ્ત થયેલ હાલની વિકાસ યોજના વિસ્તારની  અરજીઓમાંથી કુલ 124 અનધિકૃત બાંધકામોને નિયમિત કરવાની અરજીઓને રેગ્યુલરાઇઝ કરી આપવામાં આવ્યા છે. આ ઉપરાંત મોરબી મહાનગરપાલિકાની ટાઉન પ્લાનિંગ શાખા દ્વારા વિકાસ પરવાનગીઓની  કુલ 50 અરજીઓનું વિગતવાર ચકાસણી કરીને મંજૂરી આપવામાં આવી છે .જેથી શહેરમાં સુવ્યવસ્થિત અને નિયમબદ્ધ વિકાસ સુનિશ્ચિત થઈ શકે. મોરબી મહાનગરપાલિકા દ્વારા ભવિષ્યમાં આવનારી અરજીઓ પર પણ પારદર્શક રીતે કાર્યવાહી કરવામાં આવશે અને તમામ અરજીઓનો ઝડપથી નિકાલ કરવામાં આવશે. તેવું મનપાએ જણાવ્યું છે.